Noot vir Noot Span

Johan Stemmet

Johan is n boorling van Namakwaland . Hy is op Springbok gebore en het op Kleinzee, ‘n diamantmyndorpie, grootgeword.

Johan Stemmet is met Colleen, ‘n hoërskool Wiskunde onderwyseres en adjunkhoof  in Johannersburg , getroud . Hulle het twee seuns, Carl en Etienne. Carl is ‘n aspirant rolprentvervaardiger wat tans sy Meesters graad in " Directing and scriptwriting" aan TUKKIES voltooi. Etienne is besig met sy Honeurs graad in die rekenaarwese op TUKKIES. Hy spesialiseer in Multimedia en komponeer musiek en doen klankontwerp vir rekenaarspeletjies en rolprente.

Kinderjare:	Kleinzee, Namakwaland groot geword. Hoërskool Jan van Riebeeck, Kaapstad.
Studentejare:	Universiteit van Stellenbosch en Nagraads aan Universiteit van Kaapstad.
As Onderwyser:	Hoër Seunskool Rondebosch, vakhoof Afrikaans eerste taal en Geskiedenis.
As Kunstenaar:	Tree vir 30 jaar landswyd op. 12 Albums gemaak.
As TV aanbieder:	Bied ononderbroke die afgelope 30 jaar aan vanaf 1980.
As TV vervaardiger:	Treffers van toeka tot nou My land my lied (reeks) Teletreffers (reeks) Debuut (reeks) Nana Mouskouri FAK Musiekfeeste Crescendo Dekade van 80 Gé sing (reeks) Persoonlikheidsprogramme met verskeie kunstenaars	Noot vir Noot (reeks) Woordwoeker vir kykNET (reeks) a Word or 2 (reeks) Swaaipad van die Swartkraai (reisprogram kykNET) Fly the beloved country (reisprogram SABC) Wise Up!
Toekenings en nominasies:
Nominasie Sarie toekenning:	Beste Afrikaanse langspeler: Bianca
Nominasies ARTES:	Beste regisseur , Beste aanbieder , Beste bydrae tot musiek , Beste bydrae verskeidenheids programme
Burgermeesters toekenning:	Vir bydrae tot Johannesburgse eeufees
Goue penning:	Vir uitstaande jeugdiens en Orde vriend van die Voortrekkers
Artes:	Noot vir Noot
SABC Golden Plume Award:	Bydrae tot 30 jaar se TV in Suid Afrika
SAFTA Award:	Vir beste speeletjies reeks in 2010
Vir meer inligting oor Johan Stemmet besoek gerus www.johanstemmet.co.za

Johan van Rensburg

Johan is ’n ou Potchefstromer. Hy is daar gebore, het daar skool gegaan, geswot en daar begin werk as dosent in musiek aan die Konservatorium. Om die waarheid te sê, hy het sy eerste 35 jaar daar deurgebring.

Gedurende sy studentejare aan die destydse PU vir CHO, was Johan eers lid en later leier van die bekende Alabama Studentegeselskap. Onder sy musiekleiding het Alabama se heel eerste Revue in 1967 op die planke verskyn en was hy aktief betrokke by hierdie groep tot in 1980. Vir die afgelope (ongeveer) 20 jaar is hy die ere-president van hierdie studente organisasie en bly hy dus in voeling met hulle doen en late.

Gedurende sy Alabama jare het hy vir Rina Hugo ontmoet en die twee is in 1971 getroud. Kort daarna het albei hulle musiekstudies vir twee jaar in Boston, VSA voort gesit en eers in 1976 met ’n gesin begin. Riaan was eerste en bietjie later Anri. Riaan het intussen ook musiek studeer en is vandag professionele musikant en getroud. Anri het wel vroeg in 2006 in die huwelik getree met Etienne van der Linde en hou haarself steeds besig met fotografiese modelwerk, grafiese ontwerp en meer onlangs as DJ. Anri ontwerp veral baie CD omslae en haar werk word herken deur haar handelsmerk, Dream Out Loud.

Johan het oor die jare baie musiek gekomponeer en verwerk, veral vir radio en televisieprogramme. By hulle huis in Randburg het hy ’n goed toegeruste musiek ateljee waar meeste van hierdie produkte gemaak word. Baie van Rina se begeleiding vir haar konserte en CD’s kom ook uit hierdie ateljee sowel as Johan se enigste CD, Die Tekkie-rag.

Behalwe die musiek wat hy maak is Johan se ander stokperdjie sy belangstelling in die sterre en alles wat te make het met die hemelruim. Hy hou daarvan om so nou en dan gholf te speel, maar kry sy eintlike oefening met sy ander geliefde sport... snoeker.

Elsa Colling Gebore: 3 Julie 1962 Beroep: Regisseur Opleiding: Sasolburg Hoërskool, Televisie Produksie Opleiding
Vorige en ander produksies:
Lewendige Nuus Produksies Debuut (reeks) Debuut (reeks) Artes 1998 (lewendig) Aand van Goue oomblikke Teletreffers (reeks) Staatspresident Lente Konsert Dekade van ‘80	a Word or 2 (reeks) Woordwoeker (reeks) Swaaipad van die Swartkraai (reisprogram kykNET) Fly the beloved country (reisprogram) Wise Up! Noot vir Noot Crescendo
Geniet: Ek is baie lief vir lees, veral historiese verhale en om myself op my rekenaar besig te hou. E-mail: elsa@noot.co.za

Andries Pieterse

Gebore: 26 Augustus 1979
Huwelikstatus: Getroud, met Isabel
Beroep: Produksie Bestuurder
Opleiding: Hoër Volkskool, Heidelberg, Gauteng. Tersiêre opleiding by die Educational Institute of the USA Tans besig met: Wise Up! Ander produksies: a Word or 2 (reeks) Woordwoeker (reeks) Swaaipad van die Swartkraai (reisprogram kykNET) Fly the beloved country (reisprogram) Wise Up!
Geniet: Ek speel graag gholf as ek tyd kry en is mal oor die Bosveld, braaivleis, goeie rooiwyn en die Travel Channel.
E-mail: andries@noot.co.za

Adair Le Pere

Gebore: 22 Januarie 1978
Huwelikstatus: Ongetroud
Beroep: Produksie Koordineerder
Opleiding: Coronationville Senior Sekondere Skool
Produksies:  Wise Up!  Noot vir Noot
Tans besig met: Noot vir Noot
Geniet: Ek hou daarvan  om te reis, veral om te kamp in die bosveld. My gunsteling kos is ‘n goeie Suid Afrikaanse Braaivleis!
E-mail:adair@noot.co.za